لاتشــــــــــــره

ياقلب لاتشره اذا الناس عافوك
لاتشتكي وتقول محدا بغاني

وش ترتجي منهم اذا هم تناسوك
وش ترتجي من كل قلب اناني

غروك بالطيبه وبالحب شدوك
وتبدلت عندك جميع المعاني

تلبسوا زيف المشاعر وباعوك
للجرح والدنيا وقسوة زماني

اغتالوا امالك وبالحيل ذلوك
تصرخ تبي مافات يرجع ثواني

توك صغير السن لاباس هزوك
قبلك خذوا مني ولااحدا عطاني

لاتشتكي ياقلب ارجوك ارجوك
ياماطواني الهم واسقط كياني