شهرالتقى والخير

حييت يا شهراً فضيل ومراحيب
هذا الشهر واجب علينا نجله

شهر التقى والخير.. شهر المواجيب

به ليلةٍ تحسب من العمر كله

والمسعد اللي يحفظه عالم الغيب

ومن صالح الاعمال يملى سجله

ويحفظ صيامه من هل الشك والريب

واجب على المسلم طريقة يدله

ما هوب يسعا بالحكي والعذاريب

يمنع لسانه من كلامٍ يزله

وأخير قول اللي ليا قاله ايصيب

كل العمل محسوب دقه وجله

تنبهو يا ناس أدوا المواجيب

قبل العمل يقضي ويطوى سجله

الايام تطوى مثل طي المكاتيب

وشهر رمضانٍ واجبٍ نستغله