غني بربي

موضوع: غني بربي الخميس 13 نوفمبر 2008, 3:44 pm

غني بربّي . والدعا . والرفاقه
وقرم . وليا جت للقصايد مفوّه

بحرن تباعد غبّته عن زراقه
لهل الغثا طيشه . ولله هدوّه

ان زان وقتي خذت لذّة فواقه
ولوّه يشين يشين عادي ولوّه

بنكي رياجيل الشرف والبطاقه
جمايلي وأسمي . وكبر المروّه

من لابتن في ثقل أهلها محاقه
فعيونها كثر الاوادم يشوّه

الأكرمين أهل العقل والحماقه
الجيّدين مزبّنين الجلوّه

هاذي فقط نبذه .. عن أهل العراقه
والسامي أيرجّح كلامه .. سموّه

عن أفتعالات الغضب والطفاقه
وعن المليىء اليا تبيّن .. خلوّه

حبّيت أبينلّك أصول اللباقه
مع واحدن غيثه يساابقه نوّه

وألاّ أنت كامل .. لاكن أن فيك عاقه
ينقص برستجيك شويّة جروّه

يمغيّرن فعيوني أصل العلاقه
تخيّلو عدو يعشق عدوّه

لازمتني بحلا الدلع والشفاقه
وأدخلتني في حلم عمرك وجوّه

وحببتني في شي أسمه . صداقه
وكرّهتني في شي أسمه أخوّه

ولفتني باو الغنج ولف ناقه
وأنا ولفتك ولف حاتم لضوّه

ولو نختلف بشيا .. الغضبiوالرواقه
مانيب قايل ماتسوّيهiiسوّه

ركّز معي ؟ للريح طلاّااق ساقه
وللشين شينن لانصا .. iiمايموّه

يعلم بان حلم الكسول iاللياقه
ويعلم بئن حلم العقيم لأبوّه

ويعرف متى نضج الورق وأحتراقه
خبير في الاحياء .. ماهوبiتوّه

ثورته لاجت تشعل ألفين طاقه
ماهيب شبّة قاز في جمر .. iiدوّه

منتب غبي جدّاا بلفظ الرشاقه
وأنا ذكي جدّاا .. وحبّيت .. iiأنوّه؟

لأنّك تنفّاس الحشا وأختناقه
ياكل شبحي ياقصاه .. iiودنوّه

روحك وقلبي .. لو بحلل وثاقه
مربوطتن في بعض هيّّا .. iiوهوّه

فن غبت. يانفر العقل iiوأشتياقه
مانيب راغب بعد خوّتك خوّه

ببكي على زولن عشقته عشاقه
وترى البكى للأقويا؟ . زود iiقوّه

فن شفت أبن علوش يبكي فراقه؟
ترى أنحدارات الجبل من علوّه
سعدعلوش الهاجري