مصافحه اولى لعيونكم...(خلاصة كلمتي)...!

خلآآصة كلمتي

جرحني بك زماني والقدر داوى جراحاتك
وانا منّك زماني ماقدر يسعف جراحاتي

تبين اشكي معاناتي لجل ارضي تفاهاتك!
تبين انزف دموعي لك لجل تظهر علاماتي!

تحسبيني ضريرن ما اشوف إلا بنظراتك!
تحسبيني ابرجع لك وانا أحمل معاناتي!

أنا ماقد عرفت انك تبادلني بلحظاتك
كذا تبغي على كيفك تشاركني بلحظاتي!

تعبت انثر تعبت اكتب تعبت اشفع لزلاتك
تعبت ازحف ورى كذبك وأشكي لك بنظراتي

قطاري ياحبيبي فالمسا كله ترى فاتك
بيبقى لك نهاري ينتظر توصل محطاتي

كفايه مابقى فيني وانا شكواي لك جاتك
اناديلك وانا اسمع صدى صوت لمناداتي

رضيت انك تمشيني وتفرض كل قراراتك
تعال اسمع انا ودّي تبادلني قراراتي

خلاصة كلمتي فيها أبنهي بي علاقاتك
نسيتك يا بعد عمري وهذي لك خلاصاتي

سرحت بعالمك وآنا تجرجرني ملذّاتك
تصحيني على همّك تمسّيني بآهاتي

تراسلني على كيفك وتتناسى براحاتك
انا برحل ولا يمكن اعاود لك بطلاّتي

دخيلك ابتعد بسّك ترى مابي حساباتك
ولا حتى ابي منك تحاسبني بزلاتي

توارى حبّك ولىّ وعفته من حماقاتك
وحبي لك انا اعتبره حكايه من حماقاتي

واذا تبغي تعاندني وتتركني بصفحاتك
أبحرق دفترك كله واخلي لك كتاباتي

على فكرة إذا تبغي تعاود لي اتصالاتك
ترى رقمك انا والله مسحته من سجلاتي

::المريسي::

صح لسانك ولاهنت يابو داحم
مشكور مشكور
مشاركه رائعه جدا منك لاهنت

» النصر في اولى مبارياته